Nattens dikt: Tor Jonsson: Protest

Protest

.

Tørk blod av sverdet ditt

for siste gong!

Eg svarer døden nei

i all min song.

.

Eg ofrar aldri livet

for ei sak.

Eg høyrer alltid

dyreskriket bak.

.

Å leva livet,

det er større mål

enn offerdøden

på eit martyrbål.

.

Offerdøden

lysar meiningslaust.

Livet er ein sigers gang

frå vår til haust.

.

Eg ropar

til vår svikartid:

Eg tømar ikkje staupet

med di ordgift i.

.

Heller fredlaus ri

frå land og rike,

enn gripe sverdet

for det store folkesviket.

.

Det store folkesviket

gror i alle land.

Eg ropar nei.

Og det er alt eg kan.

.

Tor Jonsson